影片
更多
2015-11-05
2497 瀏覽
之前食開嘢都唔會特登寫食評,呢間真係值得一讚。我係朋友介紹過來食,電梯排曬長龍所以選擇爬樓梯,一出3樓已經見到大大個標誌好靚好搶眼。係門口已經留意到佢地有啲萬聖節裝飾,入到去,成個樓面都有萬聖節裝飾,好有氣氛但又不失本身裝修嘅風格。因為事前有預約所以即刻有人帶位,坐係近咖啡機嘅位置,成晚間唔中都可以睇下佢地點樣沖咖啡。叫佐個照燒汁牛柳帆立貝飯,另外加佐一個38嘅頭盤。有湯、多士同沙律,另外有附餐飲同窩夫。頭盤好快送到來,近排天氣轉涼,食佐個微熱嘅多士,再加熱湯,個湯仲要好濃密,好好味。食完頭,到主菜,樓面妹妹仔先幫我收走個頭盤嘅木板。主菜好快來到。令我最滿意嘅就係我本身唔食開好生嘅牛柳,所以我叫佐要8成熟,而塊牛柳一切開真係唔生,我好滿意。食完成個餐我已經好飽,但係甜品當然不能夠放過啦...最後嘅窩夫外脆內軟,有小小熱。送埋杯野飲。飽曬～
之前食開嘢都唔會特登寫食評,呢間真係值得一讚。
我係朋友介紹過來食,電梯排曬長龍所以選擇爬樓梯,一出3樓已經見到大大個標誌好靚好搶眼。
係門口已經留意到佢地有啲萬聖節裝飾,入到去,成個樓面都有萬聖節裝飾,好有氣氛但又不失本身裝修嘅風格。因為事前有預約所以即刻有人帶位,坐係近咖啡機嘅位置,成晚間唔中都可以睇下佢地點樣沖咖啡。
叫佐個照燒汁牛柳帆立貝飯,另外加佐一個38嘅頭盤。有湯、多士同沙律,另外有附餐飲同窩夫。
頭盤好快送到來,近排天氣轉涼,食佐個微熱嘅多士,再加熱湯,個湯仲要好濃密,好好味。
食完頭,到主菜,樓面妹妹仔先幫我收走個頭盤嘅木板。主菜好快來到。令我最滿意嘅就係我本身唔食開好生嘅牛柳,所以我叫佐要8成熟,而塊牛柳一切開真係唔生,我好滿意。
食完成個餐我已經好飽,但係甜品當然不能夠放過啦...最後嘅窩夫外脆內軟,有小小熱。送埋杯野飲。飽曬～
張貼
