羽壽司 (已結業)

今日去開銅鑼灣咁又諗起個Friend話有間叫羽壽司，咁我又想食壽司咪去試囉，我同我老公一齊，入到去等一個感覺就覺得好舒服，可能新裝修，好靚又好有聖誕feel，我地兩個人坐係bar，見到D壽司係個迴轉line度好似好新鮮咁咪囉碟三文魚壽司食，嘩原來好鬼大件三文魚，開頭以為D三文魚咁大件D飯實好大粒啦，點知又唔係呀，食食係條line度見到帶子壽司同赤貝壽司，痴線架，我開頭仲以為自己睇錯呀，咁鬼大件，我真係未係其他壽司舖見過囉，食落去原來都好鮮甜喎，食食聽到有位小姐叫咪話有咩日本魚，開頭都無諗註要野，點知有位侍應走sale我，又話好甜又話好小地方食到咪試囉，等一次叫個鰤魚食，呀個侍應真係無點我，好鬼正，我見咁正咪試其他囉，好似叫彷彿同金目鯛，好得呀，仲好鬼甜呀，仲有個魚奶湯同三文魚頭湯，D刺身又夠新鮮又夠凍，一D都唔似之前D人講得咁一文不值呀，仲食到我好鬼飽，食咁多都係3百幾4百元，唔算貴，下次一定會再去。峰壽司同板前壽司我都去過，D壽司都無羽壽司咁好，由其是係D侍應，羽壽司D侍應，真係好好多囉，個個都笑住口咁走招呼你，唔似板前咁黑口黑面，比錢佢仲要受佢氣。