影片
更多
2022-10-23
40 瀏覽
講食物之前，不得不提呢間餐廳個老闆好有心去營運呢間餐廳，佢同我地講呢間餐廳嘅理念就係希望用一個親民嘅價錢讓食客可以品嚐到有質素有性價比嘅西餐👍lunch時段知道一般打工仔都趕時間食飯，所以lunch時段就會主打set lunch，而晚上大家有時間慢慢品嚐美食，所以晚餐就會多花款d嗰日我地食嘅係晚餐，喺老闆嘅推介下，我地點咗幾款比較有特色嘅食物等緊餐到嘅時候服務員就送上啱啱焗好嘅麵包，沾橄欖油同埋黑醋嘅，麵包好軟身，熱辣辣，個人好鍾意有燕麥嗰款，因為口感豐富好多，而且燕麥又有獨特嘅香味前菜沙律係意大利3色番茄配軟身芝士，黃色紅色蕃茄我都見過，綠色嘅我真係第一次，原本以為綠色嘅蕃茄會好青味，點知食落係反而係酸爽d，呢款芝士奶味比較重，冇乜鹹味，又唔會話有好霉嘅味，所以要蕃茄+芝士再配黑醋，令到個味道互相配合，酸甜入面又帶d奶香，幾有趣白酒忌廉汁煮青口就選用智利青口，望落細細粒，但咬落係出乎意料地creamy，仲會爆汁，呢下真係估唔到。呢款白酒忌廉汁個味無論聞落定係食落都係非常香濃，鹹香咸香咁，白酒嘅香氣都好夠，難怪老闆話好多食客最後會要求唔好收拾住，留返個汁點其他食物啦今日嘅時令鮮魚係彩虹
嗰日我地食嘅係晚餐，喺老闆嘅推介下，我地點咗幾款比較有特色嘅食物
等緊餐到嘅時候服務員就送上啱啱焗好嘅麵包，沾橄欖油同埋黑醋嘅，麵包好軟身，熱辣辣，個人好鍾意有燕麥嗰款，因為口感豐富好多，而且燕麥又有獨特嘅香味
前菜沙律係意大利3色番茄配軟身芝士，黃色紅色蕃茄我都見過，綠色嘅我真係第一次，原本以為綠色嘅蕃茄會好青味，點知食落係反而係酸爽d，呢款芝士奶味比較重，冇乜鹹味，又唔會話有好霉嘅味，所以要蕃茄+芝士再配黑醋，令到個味道互相配合，酸甜入面又帶d奶香，幾有趣
白酒忌廉汁煮青口就選用智利青口，望落細細粒，但咬落係出乎意料地creamy，仲會爆汁，呢下真係估唔到。呢款白酒忌廉汁個味無論聞落定係食落都係非常香濃，鹹香咸香咁，白酒嘅香氣都好夠，難怪老闆話好多食客最後會要求唔好收拾住，留返個汁點其他食物啦
今日嘅時令鮮魚係彩虹鱒魚，上面嘅係番茄泡泡 ，師傅話特登要原條去焗，成條上，要與別不同，入面仲可以釀入不同香草、檸檬，令到成條魚充滿香氣，鱒魚類似三文魚，但冇咁油，肉質結實，唯一要注意嘅係中間比較多幼骨，食嘅時候小心d
呢款叉燒鹹蛋意大利飯又係老闆嘅心意之作，佢話靈感係中式鹹蛋叉燒燒味飯，佢想改用一個西式嘅演繹手法。上面嘅慢煮叉燒改用麥芽糖調味，並巧妙咁將鹹蛋融入曬落個飯度，粒粒米都充斥住鹹蛋香
最後嘅甜品都令我印象深刻，呢款提拉米蘇係我咁大個仔以黎食過最濃酒味嘅，一咬落去入面d酒係爆出黎，個衝擊真係好大，一開始要d時間適應，食多啖之後我開始享受呢道酒與甜品互相融合嘅作品
最後再不得不提嘅就係老闆嘅用心，佢每一道菜上菜嘅時候都會向客人介紹呢道菜嘅特色，呢點係以往食fine dining先會有嘅用餐體驗，老闆希望等大家都感受到佢嘅特色同埋用心，所以每一道菜佢都會好畀心機咁present畀客人👍佢係好proud of 將完美嘅服務帶畀每一個客人，而唔係好似某d餐廳咁純粹例行公事。當晚食完之後老闆同我地傾咗好耐，講佢經營餐廳嘅理念同埋過去做服務嘅經驗，言談間感受到佢嘅用心，希望佢生意蒸蒸日上吧
張貼
