熊館 (已結業)

呢排天氣凍凍地朋友介紹話呢一間雞酒湯麵，一於嚟試下暖一暖身啦！我就當然叫咗呢一個秘製雞酒湯麵而老公就叫左一個水煮牛肉湯，雞酒飲落好似人哋坐月嘅酒咁，真係非常暖胃！而且湯麵嘅面非常之彈牙，而老公嘅水煮牛佢話如果鍾意食辣嘅話一定唔可以錯過，辣得好過癮咁話！牛肉都相當之入味，跟餐嘅話仲會有一隻溫泉蛋送，另外仲可以揀一包果汁，價錢都只係唔使$50，經濟得來而且好味道嘅餐廳真係買少見少，非常值得推介嘅一間餐廳！