老虎堂黑糖專売 (渣甸街)

營業中

休息中

今日行過銅鑼灣，緊係要試下呢期最hit既老虎堂。行到去見到條人龍都唔係太長，最後排左30mins，佢個menu有d奇怪，中英文又唔係太岩，有d混淆。一次過叫左波霸厚鮮奶同虎虎生風厚鮮奶。其實兩者分別只係前者只有大細珠，而後者大細都有...如果唔要珍珠，淨係要黑糖厚奶反而貴5蚊（係個收錢姐姐講既，menu唔係好搵到）...好奇怪👀 等左10mins終於到手啦，比想像中細杯，係其他台式飲品既細杯裝，但就賣30蚊。影出黎都幾靚，同之前網上見到既一樣。 珍珠有咬口，但大細珠同時出現好奇怪。黑糖夠味但亦略蓋過厚奶味。厚奶飲落係平時整蛋糕未雪實個個味，好多cream、糖同奶...真係好普通... 如果真係想飲，可以等熱潮過左，唔洗再排先試都唔遲。