翡翠拉麵小籠包

營業中

休息中

有一段時間冇黎翡翠小籠包喇，週末都有人排下隊架，不過而家係咪附近都開左間上海菜，所以少左人等位？平日下午黎到就當然唔洗等啦，見到二人餐$188/$208，包一前菜、一點心、一份時菜、一碗手工拉麵、兩杯飲品。於是我地決定散叫，打工仔點食得起成舊水個午餐吖，我都係睇下嘅啫。鹹蛋雞球粥 $38鹹蛋弱弱一舊…其實我好鐘意食鹹蛋，唔介意俾錢加，但睇過餐牌，只可以加皮蛋/窩蛋。雞肉頗為粗鞋，普普通通。不過粥嘅口感夠綿！叉燒腸粉由於我之後仲有下場要食野，但男朋友怕我餓，加上唔點野坐喺度有多少唔好意思。於是點左腸粉。腸粉皮黏性高，又唔算話好厚，叉燒份量都幾多，合格~上湯小籠包 (4隻)小籠包價錢唔貴，不過之前食過佢地嘅比較特別嘅口味，覺得一般。所以都係點番最基本嘅上湯小籠包，小籠包嘅皮都幾薄，所以都會容易啲穿，特別係會痴住點心紙，好易冇哂啲湯。湯汁份量正常，溫度就唔係話好熱辣辣，即時放入口都冇問題。但你話係咪好正，又唔係囉。同埋呢度嘅員工唔知係咪指定動作，冇人等位都收碟快到冇朋友，有時想坐多陣，但碗筷都被收起哂，心裡都有啲唔好意思再坐……食物質素普普通通，價錢唔係平，如非冇乜選擇，我都唔會黎食。