靖 (已結業)

尖沙咀一帶其實都算多地方食Omakase，不過價錢合理又好食就好少了。同埋之前我已有食過Omakase，唔知點解迷上了Omakase，聽朋友講有間餐廳名字叫- 靖，主打高級日本料理，叫我地去試下，價錢合理又好食。前菜：有炸目光魚、水雲、飛魚籽【炸目光魚】：魚肉細緻嫩滑，而且炸到外脆內軟。【水雲】：用酸汁調味嘅水雲菜，入口酸咪咪，好醒胃，面頭蟹肉鮮美。【飛魚籽】：食落爽爽脆脆，口感好得意，味道鮮甜脆口。刺身盤（中間）【剝皮魚】：沾上師傅自家調製特式酸汁，味道清爽開胃，肉質爽口鮮甜，正呀！（右下）【深海池魚】：用上梅醬紫菜乾調味，池魚甘甜軟嫩，梅醬提升了魚肉鮮味。（右上） 【金目鯛】：外皮輕輕炙燒過，焦香味四溢，面層掃上醬油，提升鮮味，入口鮮甜美味，肉質鮮美，底層腐皮豆味香濃，軟滑鮮嫩。（左下）【蕃茄漬】：梅酒浸蕃茄仔，酒味香甜，入口多汁，好好食。【煙燻BB吞拿魚配甘筍絲洋蔥醬】師傅即席煙燻吞拿魚，視覺效果大增，而魚肉肥美嫩滑，入口即溶，洋蔥醬香濃可口，味道同魚生非常之夾。壽司：醬汁漬吞拿魚、無筋拖羅、醬汁蝦、灸燒拖羅筋手卷【醬汁漬吞拿魚】：掃上自家製醬汁，上面灑上炒香咗嘅芝麻，紫菜乾碎，