捌哥‧馬拉籽 (已結業)

🗨魚仔醬啦啦🗨鮮牛油咖央多士🗨愛他愛他🗨馬拉沙嗲串燒🗨亞參喇沙🗨喇死你嗎配娘惹咖哩雞肉（椰漿飯）🗨半熟蛋 x2🍻凍怡保白咖啡x2大圍友無人唔識呢間馬拉餐廳，應該係大圍唯一一間，但每次食都保持水準，感動。之前成日都自己一個人黎食lunch, 今日有朋友過黎大圍，終於可以一齊試下其他小食喇。個人推介必點鮮牛央多，你睇下張相塊牛油幾厚，仲要食落即溶架，真係回味無窮🥹魚仔醬蜆肉好鮮味，先淥熟再面頭加魚仔醬，啲蜆肉粒粒都好飽滿，唔洗$50，份量都仲要幾多下，抵！串燒叫左雞，豬，牛各一，雞同豬都唔錯，食落一啲都唔乾，最重要個沙嗲醬好好食～朋友想試椰漿飯，個飯真係好香椰味，娘惹咖哩雞食落好香濃，唔錯。亞參喇沙一直想嗌，今次終於試到喇。因為個人口味鍾意酸酸地既野食，之前係檳城，當地朋友買左個亞參喇沙比我試，一直念念不忘，係深水埗個間好出名既馬拉餐廳食過好一般，今次終於搵到個好岩口味既亞參喇沙，又酸又辣真係好過癮😋😋😋最後，私心想再食佢個半熟蛋，之前黎食下午茶覺得好味，記住要加少少胡椒粉同黑醬油～層次秒升！PS: 睇左米紙先知係佢地前公司舊同事開🤣🤣🤣