韓牛韓式燒烤 (已結業)

約咗朋友喺旺角食飯，俾佢揸曬主意去邊度食，唯一條件係要我未食過嘅餐廳，咁佢就帶咗我嚟呢間喺一樓嘅燒烤店😊呢度係「任食韓燒」，平日9pm前入座每人$228。食物種類有好多，單係燒嘅肉類，已經有：羊肉、牛肉、牛脷、牛仔骨、肥牛、牛小排、一口牛肉粒、豬梅花肉、五花腩、鮮醃豬梅肉、豬扒、雞肉、雞翼、魚柳等等 ... 真係有好多選擇！除咗肉類之外，仲有韓式泡菜、蔬菜、魚生、壽司、各種甜品等等 ... 亦有啤酒汽水任飲 ... 總之款式極多😆如果你係大胃王，呢度就真係啱晒啦😋，用某國嘅術語：性價比好高😆