秋月居 (已結業)

平時日本野都好貴，而平既日本菜都好似明將咁伏，但係呢間就意想不到地抵食！假日七點幾黎到，等十五分鐘先入得去食物種類相當多，壽司串燒拉麵咩都有，cocktail都只係三四十蚊杯！不過友人係藍莓fans，叫左杯藍莓乳酪，唔酸仲相當好飲！三文魚刺身都好新鮮，五塊都好厚肉！我試一個比較冷門既三文魚茶漬飯，只係32蚊！雖然三文魚分量唔算多，但係相當大碗，湯亦都好鮮味，冬天食夠暖笠笠！再要左份雞肉盛串燒，58蚊有四串好抵！左起雞翼、雞軟骨、雞肉都燒得唔錯，右面雞心就乾左d性價比高，難怪咁多人啦。我下次會再幫襯！