一本鐵板燒日本料理 (已結業)

好耐無嚟一本，今日經過就嚟試下，入到去有d奇怪點解咁少客人，跟住就知啦！因為呢間野不可以用差嚟形容，係惡劣嚟形容先啱，由於差到唔記得影相，所以唯有用文字解釋。首先入到去無人招呼，好不容易先有人幫我落單，之後就等左半個鐘，催佢啦就話整緊，終於嚟左一碟好難食既叉燒炒飯，一碟薄到一張紙既吞拿魚刺身壽司。然後又等，跟住催極其他野都唔嚟唯有谷住度氣走，而果位刺身師傅企左喺入面等左半個鐘先整好兩件吞拿魚刺身壽司上台，其間玩手機。而侍應全程黑面，一句唔好意思都無 。所以我以後都唔會再幫襯呢間舖頭