影片
更多
2008-03-05
5 瀏覽
如果唔係就工作,我都唔會揀呢間餐廳,點知一揀就令我後悔一世!!!基本上唔係食物問題,雖然無驚喜,但質素都算OK,始終係食lunch,都唔要求得太多.我最激氣係呢間餐廳侍應既態度.一去到,個帶位處可以一個人都無!!!我企左係度成半分鐘,先有人行過來,仲要差D俾人打尖拿檯,已經唔太開心.好了,到點食物,人地隔離檯(好尾先知應該係熟客)3個人,咩水呀,點食物呀等等都可以快過我呢個先來既客人,都算啦,order 杯水可以叫足3 次先來到, 好彩個侍應都醒水, 唔會仲on99 行過來問我要乜, 唔係我應該炳到佢七彩.到D 食物, 我以為lunch set 個沙律係沙律吧自己拿, 問佢有冇碟, 佢答我係house salad 跟餐上的, 但我唔滿意既唔係答案, 而係佢答我既語氣, 好似意思話我一眼望落都唔似應該入呢D餐廳既人, 招呼你都哂氣, 你個問題很天真很傻咁. 跟住我見佢叫咁多次都無杯水來, 驚佢連個甜品都漏落埋, 多口問句個甜品有冇落單, 佢俾我既感覺係好唔耐煩咁話有囉.然後上野飲, 我叫左杯凍檸茶, 只係要求糖水on side 咁上, 結果杯檸茶就來左, 糖水就無影無縱, 仲要我問番佢先
基本上唔係食物問題,雖然無驚喜,但質素都算OK,始終係食lunch,都唔要求得太多.
我最激氣係呢間餐廳侍應既態度.一去到,個帶位處可以一個人都無!!!我企左係度成半分鐘,先有人行過來,仲要差D俾人打尖拿檯,已經唔太開心.
好了,到點食物,人地隔離檯(好尾先知應該係熟客)3個人,咩水呀,點食物呀等等都可以快過我呢個先來既客人,都算啦,order 杯水可以叫足3 次先來到, 好彩個侍應都醒水, 唔會仲on99 行過來問我要乜, 唔係我應該炳到佢七彩.
到D 食物, 我以為lunch set 個沙律係沙律吧自己拿, 問佢有冇碟, 佢答我係house salad 跟餐上的, 但我唔滿意既唔係答案, 而係佢答我既語氣, 好似意思話我一眼望落都唔似應該入呢D餐廳既人, 招呼你都哂氣, 你個問題很天真很傻咁. 跟住我見佢叫咁多次都無杯水來, 驚佢連個甜品都漏落埋, 多口問句個甜品有冇落單, 佢俾我既感覺係好唔耐煩咁話有囉.
然後上野飲, 我叫左杯凍檸茶, 只係要求糖水on side 咁上, 結果杯檸茶就來左, 糖水就無影無縱, 仲要我問番佢先記得上, 呢點我覺得, 收得咁貴既餐廳, 無理由會咁差.
好啦, 到俾錢啦, 我一叫佢俾錢, 話都無咁快就遞張單上來, 全程最有效率係呢次, 真係O 哂咀, 但到呢到都仲有野罵, 就係一拿張單來, 攤開個收錢folder, 然後佢就的起一邊,另一邊long 係檯, 等我放錢落去. 一邊咁做,一邊隻手係度un 下un 下, 好似叫緊我快D科水, 佢好忙好多客招呼咁. 呢度既感覺最差囉! 你驚死我無錢俾呀? 洗唔洗咁既態度呀?!?! 結果俾完錢拿埋找錢,就谷住成吐氣咁走左.
我整體覺得, 我話哂都俾左1XX/person 去食你D野, 我要既唔止係食物質素, 而係服務態度. 而家俾D咁既野我, 我完全唔收貨囉, 我覺得價錢平3 倍既茶餐廳, 隨時D服務都好過佢. 非常不建議大家再去食呢間!! D 服務態度真係差到脾.
P.S. 大家唔好以為呢間餐廳好多人, D 侍應好忙, 其實我去既時候係下午點半度, 間餐廳只係1/3 滿, 伙計都有5, 6個, 但唔知點解佢地「扮」到好忙囉!!!仲要係忙到,可以同熟客,外國客吹水, 真係令你「大開眼界」!!!
張貼