海灣茶居 (已結業)

今日在大角咀港灣豪庭行街搵食時，見到一間點心店，講明點心現場製作，茶錢$5位，全日免收加一，還有精選下午茶優惠，無理由唔入去啦。結果我們叫了滿枱點心，都只是兩百元，還有隻糯米雞食唔曬要打包。其中有幾款點心特別推薦：流沙煎堆仔 ~ 外脆內軟，入面的蛋黃流沙餡滾熱辣，小心燙嘴。（$18）福臨門拼盤 ~ 蝦餃、燒賣、潮洲粉果、鮮蝦菜苗餃和叉燒包各一件，只是$38，超抵。栗子鮮奶燉椰皇 ~ 質素媲美正宗甜品店，又香又滑。（$25）餐廳光猛闊落，價錢實貴，三點半至五點更免茶錢呢。