影片
更多
2022-12-19
373 瀏覽
朗壹廣場近朗屏工業邨，開咗間新泰國野，門口佈置得好靚，好有泰國FEEL。啱啱收工去就唔係太多人，唔洗等位，可以直入，入到去感覺好舒服，坐位闊落，可以同朋友靜靜地傾計食飯。我地都好鍾意食泰國野，所以樣樣都想食，見到個二人餐，有齊晒想食嘅野，又有甜品，價錢都係$488，咁嘅價錢叫到咁多野食，抵呀！！！❣️二人餐有⭐酸辣青木瓜沙律、小食拼盤：泰式春卷(4件)，泰式炸蝦餅(4件)，泰式炸雞丸(4件)，大大盤，擺得好靚，最初以為係小食，點知樣樣都咁大件，嚟到仲要熱辣辣，特別好味。⭐主菜叫咗泰式辣肉碎生菜包同㷫烚烚鑊仔椰香青咖哩牛腩。生菜包超級辣，我食到漂眼水，但朋友食得辣就覺得好正好過癮！雖然辣，但肉碎味道教得好好，生菜又新鮮，其實都好好味⭐青咖哩牛腩點解叫㷫烚烚，因為佢真係有個火係底下㷫住，KEEP到個溫度，而且椰香味好重，辣味唔太辣，最好味係佢啦！⭐蒜蓉炒芥蘭：芥蘭炒得啱啱好，唔會過淋或過硬，蒜蓉好香，遮蓋咗芥蘭獨有嘅苦味。⭐迷你芒果糯米飯：細細地就啱，因為主菜所有野都好大份，兩個人根本食唔晒，想食個甜品，依個就啱。糯米飯好軟屬，好香椰香，夾埋個芒果，就係泰國食過嘅！新開嘅泰菜值得推介，嚟傾計
朗壹廣場近朗屏工業邨，開咗間新泰國野，門口佈置得好靚，好有泰國FEEL。啱啱收工去就唔係太多人，唔洗等位，可以直入，入到去感覺好舒服，坐位闊落，可以同朋友靜靜地傾計食飯。
我地都好鍾意食泰國野，所以樣樣都想食，見到個二人餐，有齊晒想食嘅野，又有甜品，價錢都係$488，咁嘅價錢叫到咁多野食，抵呀！！！
❣️二人餐有
⭐酸辣青木瓜沙律、小食拼盤：
泰式春卷(4件)，泰式炸蝦餅(4件)，泰式炸雞丸(4件)，大大盤，擺得好靚，最初以為係小食，點知樣樣都咁大件，嚟到仲要熱辣辣，特別好味。
⭐主菜叫咗泰式辣肉碎生菜包同㷫烚烚鑊仔椰香青咖哩牛腩。
生菜包超級辣，我食到漂眼水，但朋友食得辣就覺得好正好過癮！雖然辣，但肉碎味道教得好好，生菜又新鮮，其實都好好味
⭐青咖哩牛腩點解叫㷫烚烚，因為佢真係有個火係底下㷫住，KEEP到個溫度，而且椰香味好重，辣味唔太辣，最好味係佢啦！
⭐蒜蓉炒芥蘭：芥蘭炒得啱啱好，唔會過淋或過硬，蒜蓉好香，遮蓋咗芥蘭獨有嘅苦味。
⭐迷你芒果糯米飯：細細地就啱，因為主菜所有野都好大份，兩個人根本食唔晒，想食個甜品，依個就啱。糯米飯好軟屬，好香椰香，夾埋個芒果，就係泰國食過嘅！
新開嘅泰菜值得推介，嚟傾計又得，一家大細嚟又得，野食都好味，最緊要係佢係Pet Friendly餐廳，值得一試✔️
張貼
