塚田農場 (已結業)

其實你問我，如果喺觀塘APM搵一間餐廳去食飯，呢一間我都覺得係值得坐嘅。佢呢一度嘅飲品，係自助形式，當叫咗一個午餐之後，就可以出去自助Bar度飲，有好多唔同嘢揀，我就鍾意飲金橘，但係如果飲可樂嘅話都得。總之出邊就有個雪櫃，可以拎飲品。我自己由於好鍾意食鰻魚，所以就散叫咗一個鰻魚忌廉芝士卷，鰻魚忌廉芝士卷一客有四件，外面嗰層係芝麻，內裏夾雜着嘅係青瓜芝士同埋鰻魚，一啖咬落去嘅時候，芝士同埋鰻魚一齊用入口裏面，鮮味、醬料嘅香味、同埋芝士味一齊，嗰種感覺係幾好。裏面嘅材料都非常豐富，我個人來講嘅話係幾鍾意。之後我再叫咗一個美人壽司御膳，裏面原來都有我頭先叫過嘅鰻魚忌廉芝士卷，但唔同嘅係，佢上面會加咗啲配料上去。咬落去嘅時候啲汁爆曬出嚟，係幾正嘅。佢另外會有一嚿拖羅，拖羅我覺得肥瘦比例適中，唔會算特別油膩，可能不是大拖羅的緣故，但相比起大拖羅，其實我咁鍾意吃中拖羅。天婦羅作為小食，我覺得係幾唔錯嘅。麵豉湯相對較為普通，其他餐廳的麵豉湯會有海鮮特別係蜆肉，但這裏就欠奉。最後叫咗一客雪糕，係焙茶味同埋綠茶味，兩隻雪糕嘅茶味都非常香，個人依然更喜歡焙茶味。