影片
更多
2021-09-29
77 瀏覽
之前機緣巧合睇過呢間餐廳係youtube嘅訪問，今日上完瑜伽試堂就決定試下。呢間餐廳嘅裝修都幾舒服用咗唔少嘅乾花佈置，卡位亦都好新淨，坐得舒服。要咗個鹽酥四季豆杏鮑菇，木玥招牌紅燒牛肉麵及蝦排拼椒麻拌麵。飲品方面就揀咗個木玥黃金水果茶同埋木玥巷台灣鳳梨啤。飲品先到，估唔到杯水果茶咁大杯，滿滿嘅夏日清涼感覺，用料十足，有好多鮮果，我呢杯係鳳梨同百香果，好清新。朋友個鳳梨啤都好飲，無外國手工啤咁苦澀，但有比普通啤酒味道層次較豐富，佢覺得好岩飲。至於食物轉頭就到，牛肉麵好吸引，湯頭濃郁帶微甜香，牛筋，牛腩，牛肚都炆得夠晒淋但仍帶少少咬勁，火候岩岩好。唔係誇張，連蘿蔔都煮到入晒味，咬落啖啖湯汁，好好食。另外跟係碗上嘅豆串，放落去吸汁又係一流，豆香湯香又有d脆個外皮，好味道。個蝦餅椒麻拌麵，蝦餅份量多而且脆卜卜，內面蝦肉真材實料，咬到粒粒蝦肉，食落唔會有好粉好假感覺。個拌麵看似同屋企拌嘅一樣，但佢嘅醬汁好好食，唔會得個辣，仲要麵身都好唔錯，食落仲有少少彈牙，幾開胃，好快就食晒。最後送上嘅鹽酥四季豆杏鮑菇，真係好味到震，超級台灣嘅味道，個炸粉真係同台灣一模一樣，開頭朋友見我唔揀鹽酥雞揀鹽酥豆同菇都
要咗個鹽酥四季豆杏鮑菇，木玥招牌紅燒牛肉麵及蝦排拼椒麻拌麵。
飲品方面就揀咗個木玥黃金水果茶
同埋木玥巷台灣鳳梨啤。
飲品先到，估唔到杯水果茶咁大杯，滿滿嘅夏日清涼感覺，用料十足，有好多鮮果，我呢杯係鳳梨同百香果，好清新。
朋友個鳳梨啤都好飲，無外國手工啤咁苦澀，但有比普通啤酒味道層次較豐富，佢覺得好岩飲。
至於食物轉頭就到，牛肉麵好吸引，湯頭濃郁帶微甜香，牛筋，牛腩，牛肚都炆得夠晒淋但仍帶少少咬勁，火候岩岩好。唔係誇張，連蘿蔔都煮到入晒味，咬落啖啖湯汁，好好食。另外跟係碗上嘅豆串，放落去吸汁又係一流，豆香湯香又有d脆個外皮，好味道。
個蝦餅椒麻拌麵，蝦餅份量多而且脆卜卜，內面蝦肉真材實料，咬到粒粒蝦肉，食落唔會有好粉好假感覺。個拌麵看似同屋企拌嘅一樣，但佢嘅醬汁好好食，唔會得個辣，仲要麵身都好唔錯，食落仲有少少彈牙，幾開胃，好快就食晒。
最後送上嘅鹽酥四季豆杏鮑菇，真係好味到震，超級台灣嘅味道，個炸粉真係同台灣一模一樣，開頭朋友見我唔揀鹽酥雞揀鹽酥豆同菇都有啲微言，不過佢食後完全360度改口，話豆同菇食落仲有蔬菜甜味，而且無食鹽酥雞咁滯膩，好大嘅一盤炸物，我地邊嘆飲品邊傾邊食，太爽太正了。
店員亦好有禮同親切，仲有個非常唔錯嘅脆口餐前核桃送，真係超級推介呢間餐廳！
張貼
