樂醉西餐廳及空中酒吧 (已結業)

聽聞呢間餐廳個view好正，早兩晚來體驗一吓。個景的確係唔錯。食物方面就不過不失。服務都算達到一般酒店水平，不過同頂級服務仍有一段距離。自己覺得一間餐廳嘅定位從所選播音樂略知一二。該晚聽到嘅係非常老餅嘅爵士樂，冇乜心思可言，難怪當晚吸引到一班叔父輩嘅客人到此攪生日派對。佢哋個個中氣十足，聲大如洪。而當晚嘅氣氛當然同高級西餐廳應有嘅優雅氣氛完全兩樣。整體來講當晚係失望而回，因為覺得果度位置好正，可以做一問好好嘅餐廳，而家只係二三流嘅水準，相當可惜。