芝加哥串燒酒場 (太和中心)

自己本身住大埔，而大埔可以飲酒嘅地方，其實都幾分散，住喺近住大埔中心果一邊；一般而言都會嚟呢度去飲嘢同埋食嘢；餐廳係一間Bar Restaurant；餐廳嘅生啤係我嘅至愛；每一次我都會去叫有桂花口味嘅麒麟啤；這是餐廳自己調校的口味，除咗桂花味之外，亦有藍莓味等等；我朋友就鍾意飲雞尾酒；呢杯Godiva Chocolate用上了Godiva的Liqueur；有豐富的朱古力奶味道，同時間亦都夾雜着甜甜的酒精；呢個冷凍鮑魚係我第一次試；鮑魚已經由廚師預先切開成為一粒粒；非常容易食；味道亦鮮；保留左豐富嘅鹹香味，是很好的送酒菜；和牛是我的至愛；這裡的價錢亦公道；兩個人食，把和牛分成兩份，沾上Wasabi，油脂與鹽香混和淡淡的芥末，是非常清新又豐富的味道。螺肉亦都非常大粒，而且醬料亦都非常香；牛舌係我覺得一定要食嘅串燒；一條牛舌非常大條，但我估計餐廳選取了當中較好的部份，整成這一個串燒；而當我後來再望真，發現餐廳用的是牛舌心，也即是整舊牛舌最軟身的部分，非常不錯。