浪人日本料理 (已結業)

終於約到一位愛食日式放題的好友陪我嚟銅鑼灣呢間「浪人日本料理」食放題，平日晚上每位$328，食物選擇又好，又有刺身魚生，壽司、燒物、沙律吧、甜品區、飲品任飲任拎，無窮無盡，睇你食得有幾多。先講自己去拎的食物真係好豐富，而且食料好優質，我最喜歡沙律吧，超新鮮款式仲好多好吸引，先食沙律菜打打底再開始食肉類。刺身魚生，壽司、燒物、沙律區都係自助式的，食客都非常守秩序，每位食客都目標明確，食物出貨速度很快，所以等待時間不會太耐。刺身魚生，好新鮮肥美，師傅絕不手軟，大大件刺身提供給客人，真係好啖啖肉架，非常正。壽司都係自己夾嘅，仲有海膽、三文魚、鰻魚及章紅壽司等等，選擇都好多都係新鮮架。至於燒物真係不得了，有羊架、華味雞、海蝦、和牛串、菠蘿、帆立貝及香草豬肉腸，廚房即場燒，未食已經聞到好香噴噴，食落仲好香口惹味，一點都不覺油膩。order紙上的款式都多，有小食、焗類、吉列、揚物、燒魚、天婦羅、 一品料理、仲有飯同烏冬，叫得晒一定食到你飽飽。但冇可能食到，所以選擇了其中幾款，好似有忌廉菠菜、芝士薯條、 芝士焗蠔、 炸魷魚圈、 清酒煮蜆等等。款款食物味道都ok，上菜時間都好快，仲有漏單，非常有效率。