影片
更多
2022-11-20
227 瀏覽
🔸️ The Jungle 🌍 尼泊爾菜📍佐敦廟街273-275號寶發大廈地下3號舖星期五晚約班朋友食晚飯, 係網上搵到呢間幾特色既尼泊爾餐廳。一入去因為係OPEN DOOR 所以冷氣係感受唔到甘濟, 不過入面環境幾熱帶風情搭救🗨️ Pani Puri 香料醬酥炸球 $68成日網上睇D 旅者去印度食呢個PANIPURI食得好滋味, 我係香港既印度餐廳都好鍾意食呢款小食,酸酸地,好開胃。但呢間餐廳就麻麻地,個汁水好鹽,無酸味,唔知食緊咩。好在外皮都係脆,入面係凍凍地既薯蓉, 都還可以。🗨️Piri Piri Wings 霹靂雞翼 $90PRIPIRI 係一種辣醬料, 配搭係雞翼好合適。但雞翼非常細隻, 仲要一分為二上碟, 非常之唔抵食, 份量太少。而味道未算好辣🗨️ Steam Momo 尼泊爾餃子 $88呢個真係最好食, 蒸出黎都係熱, 用蒸籠裝打卡影相唔錯。味道唔錯(可能其他野唔好食) 最欣賞佢個辣醬, 夠辣!🗨️ Truffle Tagliatelle 黑松露意粉 $142Tagliatelle寬帶麵, 呢味菜一黎到係無黑松露味, 要用力索先聞到, 食落都有味, creamy, 算係合格正常
📍佐敦廟街273-275號寶發大廈地下3號舖
星期五晚約班朋友食晚飯, 係網上搵到呢間幾特色既尼泊爾餐廳。
一入去因為係OPEN DOOR 所以冷氣係感受唔到甘濟, 不過入面環境幾熱帶風情搭救
🗨️ Pani Puri 香料醬酥炸球 $68
成日網上睇D 旅者去印度食呢個PANIPURI食得好滋味, 我係香港既印度餐廳都好鍾意食呢款小食,
酸酸地,好開胃。但呢間餐廳就麻麻地,個汁水好鹽,無酸味,唔知食緊咩。好在外皮都係脆,入面係凍凍地既薯蓉, 都還可以。
🗨️Piri Piri Wings 霹靂雞翼 $90
PRIPIRI 係一種辣醬料, 配搭係雞翼好合適。但雞翼非常細隻, 仲要一分為二上碟, 非常之唔抵食, 份量太少。而味道未算好辣
🗨️ Steam Momo 尼泊爾餃子 $88
呢個真係最好食, 蒸出黎都係熱, 用蒸籠裝打卡影相唔錯。味道唔錯(可能其他野唔好食) 最欣賞佢個辣醬, 夠辣!
🗨️ Truffle Tagliatelle 黑松露意粉 $142
Tagliatelle寬帶麵, 呢味菜一黎到係無黑松露味, 要用力索先聞到, 食落都有味, creamy, 算係合格正常既意粉。
🗨️ Thai Chicken Pizza 泰式雞肉薄餅 $138
見到大家推薦就叫下, 點知非常失望。一黎到大大件, 好吸晴, 食落就知出事。D雞肉係好似咸魚甘咸,食完要洗腎, 個餅底係ok 脆底。點解可以pizza都唔好食架?!! 個朋友食左一啖就食唔到落。
🗨️ “The Jungle” Curry (Fish) 咖哩魚 $108
呢款咖哩配4塊米餅, 咖哩唔辣, 但唔覺好食, 實在無咩感受可以評價。
🍸Mixed Berry Smoothie $58
🍸 Tropical Smoothie $58
☕️🍸Healthy Yak $48
飲品正常, 個裝飾夠熱帶風情
整體黎講食物真係有夠差, 唔知點解前見好評, 應該太多打手…. D 野普遍係咸, 我食重口味都覺得咸, 仲標榜自己係少鹽少糖食店。 絕不推介
張貼
