泰寮泰菜館 (已結業)

見咁多笑面專程試食，今日星期六下午3時到步，見店內約9成客滿，只有3個侍應非常忙碌，門口企咗3分鐘無人理，自己與家人入座，3個侍應仍然非常忙碌，我們坐下數分鐘無茶無餐牌，得閒望下店內裝修枱椅都幾殘舊感覺濕濕立立唔係咁乾淨，失分。終於叫到侍應取餐牌睇，好多特價套餐配搭睇到眼花撩亂，不理套餐只叫個人喜愛。須然侍應人手少，但食物準確陸續送上，時間亦合理，無錯漏，讚。1/.鐵板蠔仔蛋-7分，蠔仔份量足味道ok，但不夠乾身油大多。2/.菠蘿炒飯-6分，外型交足貨，但味道淡無香味。3/.沙爹牛半打-5分，太乾身無牛味。4/.蝦餅-7分，粉較多，算啦。5/.乾炒雞肉河，8分，乾身香口有鑊氣。另飲品2杯。整體非常一般，有點失望！令我更加懷念昔日的香辣屋。