Bold Italic (已結業)

終於夾啱時間嚟駱駝漆大廈試食了，在雲雲食肆中揀咗價錢較平易近人的西餐。睇佢菜單,晚餐價位唔過一百，真係幾ok,但就係純主食，如果要加湯及沙律，餐飲就另加$38。加埋就過一百。是日點了雞及澳州西冷. 頭盆好快上，可能因為冇乜人。頭盆用木板上，有小多士，沙律及湯，實在有點失望，因為份量少，加$38個人認為唔太值，多士係一口大小，另外湯，份量少及唔熱，扣分。主食上得快，張枱根本擺唔落。另到食客有急趕的感覺。主菜中西冷好食，肉質及味道相當唔錯，配薯蓉份量大。而雞就認真差DD, 肉質鞋及實，反而雞皮煎得香脆，配上香草飯，以為香草飯冇油，誰知上碟後見飯面反光！味道都可以喇。最後飲品。凍飲加$3，已經加咗$38,重要再加！好在都大杯，但過甜。