NUTTEA (旺角中心第一座) (已結業)

最近潮流興養生 大家都開始唔飲牛奶轉飲燕麥奶堅果奶今次喺旺角見到呢一間主打堅果奶嘅手要飲品 見到佢定價都偏貴但係人龍不絕 就一於試吓佢係咪真係咁好味啦因為最近減緊肥所以就冇試到佢哋最出名嘅奶蓋叫咗一杯手沖堅果咖啡同埋宇治抹茶堅果奶平時飲開咖啡都會轉飲燕麥奶 估唔到堅果奶同埋咖啡都係咁夾 仲係純素 啱晒唔同人嘅需要雖然呢間Nut Tea唔係主力做手沖咖啡但佢哋嘅咖啡已經比一般市面上連鎖嘅咖啡店好飲好多 真係好有驚喜宇治抹茶堅果奶 一飲就已經飲到好大浸抹茶嘅香味 完全冇令作為抹茶控嘅我失望叫咗小甜就啱啱好喇 咁都淡淡嘅甜美之餘又唔會蓋過咗抹茶嘅香味係等緊嘢飲嘅時候見到好多人都係叫咗佢哋最招牌嘅奶蓋 下次都要試埋佢哋嘅招牌奶蓋先得