噹噹牛涮鍋 (已結業)

見新開張有8折，放一個鐘頭午飯即管去試下。。。上到去人唔多，冷氣強勁，地方寛落但樓底矮，叫左個定量最平果個特選牛肉套餐，牛肉偏瘦同無乜肉味，湯底偏淡，出去攞配料一眼睇哂得佳寶什丸，菜，菇。。。。行左一個圈都揾唔到雪櫃櫃，問侍應先知原來只限一人一杯，落柯打比佢攞比你(真失望，明明寫住飲品及Haagen dazs雪糕可於自助吧自由取食, 但根本就無，唔知叫放題套餐係咪咁先有任叫？)另外估唔到係一樣甜品都無，我重申係一樣甜品，糖水，前菜，小食都無，只得一煲白飯，咖哩汁。。。。第一次打邊爐食得咁悠然自得無趕頭趕命，可能無野食簡，似阿婆食嘅午餐恰下恰下咁。。。。唯一要讚有樽裝汽水同果汁茶，仲有其他款式罐裝飲品，完。