影片
更多
2015-05-22
1076 瀏覽
雞煲。。。。講真真係食到有啲驚，因為對我來說太油了，尤其係食完個雞之後沖個湯落去時啲油浮遮上來，真係驚左，但朋友鍾意無辦法啦！去到門口，見到個感覺幾潮幾乾光鮮咁，有別於一般雞煲店咁。呢個logo後面的櫃係非一般既地方。。。。。m....係客人既手袋同衣服都可以放在這一櫃內，掛上牌子，到客人食完同佢地講就會俾返客人，一來唔會阻住食野之餘，衣服仲唔會吸味。 明明約左六點，點解有人六點半仲未到。我地打俾佢時，佢仲嚮旺角，問乜唔係七點咩？！因為咁我地叫左枝酒飲左先，呢度竟然有我鍾意飲嘅藍色樽身嘅白酒，佢又唔dry又唔係好甜，又清香感。遲到的朋友到左了，急不給待叫個雞煲上！哇！！！第一啖放入口，感覺好特別！哇！點解既？！好得意啊！！個味道好鮮啊！除左隻雞新鮮肉嫩外，個配料都令成件事好鮮！啲青檸加上打碎左啲香料一起煮的雞煲就好似啲生蝦汁咁！酸酸辣辣，仲要幾夠辣，好過引！（原諒我用咁多感嘆號！因為真係好好味！）食完啲雞當然照舊要落湯啦，職員話呢個湯料都係用來醃沙哇雞的材料，唔會令個火煱淡左，仲可以食到食雞時既味道。沖左啲湯時，唔會好似平時啲油浮遮上面，其中一個原因係用左本地雞肉質爽口既嘉美鷄。 脆鱔
去到門口，見到個感覺幾潮幾乾光鮮咁，有別於一般雞煲店咁。
呢個logo後面的櫃係非一般既地方。。。。。m....係客人既手袋同衣服都可以放在這一櫃內，掛上牌子，到客人食完同佢地講就會俾返客人，一來唔會阻住食野之餘，衣服仲唔會吸味。
明明約左六點，點解有人六點半仲未到。我地打俾佢時，佢仲嚮旺角，問乜唔係七點咩？！因為咁我地叫左枝酒飲左先，呢度竟然有我鍾意飲嘅藍色樽身嘅白酒，佢又唔dry又唔係好甜，又清香感。
遲到的朋友到左了，急不給待叫個雞煲上！哇！！！第一啖放入口，感覺好特別！哇！點解既？！好得意啊！！個味道好鮮啊！除左隻雞新鮮肉嫩外，個配料都令成件事好鮮！啲青檸加上打碎左啲香料一起煮的雞煲就好似啲生蝦汁咁！酸酸辣辣，仲要幾夠辣，好過引！（原諒我用咁多感嘆號！因為真係好好味！）
食完啲雞當然照舊要落湯啦，職員話呢個湯料都係用來醃沙哇雞的材料，唔會令個火煱淡左，仲可以食到食雞時既味道。沖左啲湯時，唔會好似平時啲油浮遮上面，其中一個原因係用左本地雞肉質爽口既嘉美鷄。
脆鱔同平時火煱店唔同切法，係打直切，避過啲小骨，啖啖肉，同樣爽口
呢個用Tea Set架砌成既牛肉三重奏簡直係meat lover 既恩物，你知啦，我地呢啲選擇困難者，樣樣都想食，但每碟二三百蚊，又唔係個個食牛，呢個set可以一次過食到三種好味既牛，上層係本地牛肉粒，呢個正既
係唔洗淥唔耐就可以享受半生熟的靚牛肉，出面淋裏面爽。中間嗰層係甘香既本地牛肉同底層的出名好味既安格斯牛肉。
奇樂招牌大雲吞雲吞大就係大,但點解叫招牌呢? 在於真係好味. 朋友響度左右緊食黑松露餃定大雲吞好之制, 我話想試大雲吞. 真係無揀錯，大大粒，肉質不散外，仲有一陣香味撲鼻既麻香，原來係磨碎了的花生香，未食過咁配既特色雲吞！加埋木耳絲有少許卜卜脆既口感更添風味。
美國鮮蠔超大隻，淥定仲好有蠔味！
打邊爐點可以無竹笙！！仲要呢個湯底咁正，唔“索一索”佢都對唔住身己啦，大大條索到勁多沙哇d汁！！！
呢個雞煲係呢兩年中令我最回味，令我對雞煲外觀，汁醬原創之餘而有水準之餘仲要用料靚，值得推介！張貼
