影片
更多
2020-11-09
47 瀏覽
行過旺角覺得肚餓，見到呢一間茶餐廳咁多人等位嘅，就試吓係咪真係咁好食。發現佢都唔算係一般茶餐廳，因為又有車仔麵食又有燒味食。我就叫咗一碗招牌燒鴨腩瀨粉，加咗冬菇同滷水豬大腸，而我朋友就食蜜香叉燒同脆皮燒腩飯。先唔講佢嘅嘢食，俾大家睇吓佢杯熱鴛鴦先，佢奶茶咖啡味溝得好均勻，有晒兩樣嘅香味。招牌燒鴨腩瀨粉份量就好多，雖然比起一般就咁嗌車仔麵係會貴咗啲，但係佢咁大份加上佢嘅冬菇炆得好入味，而且豬大腸嘅質素都好好，唔會話太多肥膏喺入面令到你食都唔想食咁，所以我都覺得幾高質。叉燒同脆皮燒腩飯，睇佢嘅叉燒我唔記得咗叫半肥瘦叉燒，所以佢比嘅算係偏瘦，都叫做正常，佢嘅燒腩仔加埋芥茉醬，再配埋飯食真係一流呀，我同朋友都食唔晒。所以我會推介招牌燒鴨瀨粉多啲！因為有得揀埋車仔麵餸好似會開心啲咁哈哈
發現佢都唔算係一般茶餐廳，因為又有車仔麵食又有燒味食。我就叫咗一碗招牌燒鴨腩瀨粉，加咗冬菇同滷水豬大腸，而我朋友就食蜜香叉燒同脆皮燒腩飯。
先唔講佢嘅嘢食，俾大家睇吓佢杯熱鴛鴦先，佢奶茶咖啡味溝得好均勻，有晒兩樣嘅香味。
招牌燒鴨腩瀨粉份量就好多，雖然比起一般就咁嗌車仔麵係會貴咗啲，但係佢咁大份加上佢嘅冬菇炆得好入味，而且豬大腸嘅質素都好好，唔會話太多肥膏喺入面令到你食都唔想食咁，所以我都覺得幾高質。
叉燒同脆皮燒腩飯，睇佢嘅叉燒我唔記得咗叫半肥瘦叉燒，所以佢比嘅算係偏瘦，都叫做正常，佢嘅燒腩仔加埋芥茉醬，再配埋飯食真係一流呀，我同朋友都食唔晒。
所以我會推介招牌燒鴨瀨粉多啲！因為有得揀埋車仔麵餸好似會開心啲咁哈哈
張貼
