齊柏林熱狗店 (鱟地坊) (已結業)

去荃灣行街，其實都好多街邊小食選擇。不過到處都係龍X美食陳x魚蛋，你唔厭我都悶，總會想試下新嘢。有朋友介紹過呢間齊柏林熱狗，拍曬心口話好味，而且發現原來好近，就決定去試試啦。一睇發現有成十種選擇，有選擇困難症嘅我當然花費相當時間先決定到。最後㨂左紐約辣味熱狗，心諗最基本先最考技術！一於試下佢手勢！麵包烘得外脆內軟，唔會太燶但成隻熱狗都好夠「熱」，而且保持到香軟。香腸上面加左炒洋蔥，茄汁及辣芥末。洋蔥喺茄汁嘅甜裡面帶出清新感覺，配埋加左辣嘅芥末，更係增加唔少風味。聞落實在太吸引，搞到我未影相就咬左去，大家唯有睇住少左一啖嘅熱狗自己腦補一下啦。店主更將外牆化身留言牆，相當有心思應十分美觀。