蓮花齋 (已結業)

今日收到媽咪電話話要入東涌食齋~心諗:下東涌!食齋!咪玩啦…我只知天壇大佛有齋食,唔係要我同佢上到咁高食呀…本來想同佢講話轉地方食既時候,我媽咪話朋友介紹而且係新開既~聽到咁梗係應承佢啦…坐車去逸東邨再行5分鐘,去到外面睇就係村屋無乜特別~因為唔覺入面有野食!好似私房菜咁!入到去就見有一個涼亭好優雅!入到屋就坐低,有人招呼叫左幾個小菜~(因為都幾多人食,所以出菜慢)叫左羅漢齋炒麵,甜豆百合淮山炒雲耳,粟米粥,蓮藕餅同咕嚕肉~炒麵好脆又唔油唔咸淮山百合好清新又唔潺,好香薑汁味蓮藕餅本人覺得驚喜,出面餐廳食唔到既味~粟米粥媽咪話要食,但又好好食喎~粟米唔係用罐頭既!不過咕嚕肉既肉本人同媽咪就唔多like因為好硬總括黎講呢間俾到驚喜我!又唔油又唔咸無味精~老闆娘話佢既菜式全部都係想保留原味~唔想食得唔健康!呢個真係讚!讚!讚!下次再去食過