甜牙牙

營業中

休息中

今天我和老公去廣華醫院探生左BB的同事，之後有d肚餓，就往餐廳食d野，經過廣華街，見一甜品店甜牙牙，突然好想食甜品，於是就入座了！餐廳除了食甜品外，還有其他食品，例如：意粉、麵，小食等。雜錦大拼盤：有雞翼、德國腸、煙肉、薯條和焗薯，樣樣都好好味，特別是焗薯，加有吞拿魚、煙肉、芝士等焗，非常惹味可口！雪地芒果船伴雲呢拿及芒果雪糕：芒果新鮮鮮甜，還有荔枝椰果、芒果爆珠、雪糕球，特別的是芒果爆珠，咬落卜卜的爆開，芒果汁就會流出，十分美味！芒果腸粉：腸粉皮好滑，芒果酸酸甜甜，加左少許芒果汁，特別好味！十五年陳皮紅豆沙：十五年陳皮的香味濃郁，红豆沙甜度適中！薑湯暖心湯丸，湯丸是用芝麻做餡，特別是薑湯，薑味濃郁，味甜帶辣，.尤其是在冬天，喝一口，真的暖入心，正！