亞龍咖喱

營業中

休息中

夏日炎炎，朋友黎等我收工一齊食飯，冇咩胃口嘅日子，決定去食咖喱刺激刺激下先。亞龍咖喱聽就聽得多，但試就真係末試過，公司有同事話好味成日去食！一去到店面，發現原來有兩間舖（阿龍、亞龍咖喱），同朋友諗緊食邊間嘅時候，有個姐姐就走黎一昧話自己個間係堅嘢，食好嘢就去佢個間，（😔其實真假又係咪真係甘重要呢！最堅要唔好食壞肚同埋係良心製作，呢兩樣真係一間餐廳最基本嘅要求）眼見姐姐個舖面甘多客，我諗應該唔錯掛，打開餐牌，原本想食羊肉（不過只限冬天）轉戰牛腩，同雜菜。咖喱牛腩：其實牛腩真係幾入味嘅，不過d咖喱稀得滯（好似帶水甘），而且 冇咩配料，如果當薄餅係主菜，可能冇甘嬲，仲有叫左中辣都好似唔夠辣甘。咖喱雜菜：都係叫中辣，但明顯今似辣d ,不過呢碗所謂嘅雜菜認真把鬼.....邊有可能只係得幾條菜心同椰菜，價錢都唔平㗎！印度䶢／甜餅：都好好味！總括黎講：香港人可能習慣日式咖喱同印度咖喱嘅味道，喜愛賣相及樣樣分明甘，所以呢個中東咖喱絕對唔係我嘅菜＂而且味道亦唔比其他特別，「所以只可一，不可再」。