影片
更多
2018-11-03
107 瀏覽
日式鐵板燒既餐廳越開越多，成日見到都好想試，今次終於的起心肝一試！左諗右諗，最後揀咗評價都唔錯既鉄人旨花。我地揀咗伊勢海老鐵板燒餐。首先上咗手作前菜，有wasabi醬汁沙津同半生熟帆立貝配三文魚籽。前者既沙津菜非常新鮮爽口，再加上酸酸地既醬汁，特別開胃；後者一上菜既時候見到有三文魚籽都有啲擔心，因為我平時好少食三文魚籽，擔心會好腥，所以通常可免則免，但估唔到呢度既一啲都唔會腥，再加上鮮甜既帆立貝，口感豐富了不少，特別好味，令到我即刻好期待下一道菜。主菜有法國犬牙鱈魚，師傅會喺我地面前即場為我地炮製，有得睇又有得食，真係一大享受。師傅首先用洋蔥同檸檬汁等配料煮咗嗰醬汁備用，之後再將鱈魚皮、皮下脂肪同魚肉分別分開燒，我個陣見到師傅咁做真係睇到一頭霧水，原來咁做仲可以用鱈魚皮做裝飾，睇得又食得。鱈魚皮非常香脆，魚肉則肉質緊實，酸酸甜甜既醬汁都冇蓋過魚既鮮味。之後就係今日既主角，海膽汁煮龍蝦。可以見到師傅非常純熟咁處理龍蝦，非常輕鬆就將成條既龍蝦肉拆出黎，再將龍蝦肉切到方便入口既size，非常貼心。龍蝦肉味道鮮甜，肉質結實，爽口彈牙；如果點海膽汁食又有另一番風味，店員介紹海膽汁加咗龍蝦本身既膏
日式鐵板燒既餐廳越開越多，成日見到都好想試，今次終於的起心肝一試！左諗右諗，最後揀咗評價都唔錯既鉄人旨花。
我地揀咗伊勢海老鐵板燒餐。首先上咗手作前菜，有wasabi醬汁沙津同半生熟帆立貝配三文魚籽。前者既沙津菜非常新鮮爽口，再加上酸酸地既醬汁，特別開胃；後者一上菜既時候見到有三文魚籽都有啲擔心，因為我平時好少食三文魚籽，擔心會好腥，所以通常可免則免，但估唔到呢度既一啲都唔會腥，再加上鮮甜既帆立貝，口感豐富了不少，特別好味，令到我即刻好期待下一道菜。
主菜有法國犬牙鱈魚，師傅會喺我地面前即場為我地炮製，有得睇又有得食，真係一大享受。師傅首先用洋蔥同檸檬汁等配料煮咗嗰醬汁備用，之後再將鱈魚皮、皮下脂肪同魚肉分別分開燒，我個陣見到師傅咁做真係睇到一頭霧水，原來咁做仲可以用鱈魚皮做裝飾，睇得又食得。鱈魚皮非常香脆，魚肉則肉質緊實，酸酸甜甜既醬汁都冇蓋過魚既鮮味。
之後就係今日既主角，海膽汁煮龍蝦。可以見到師傅非常純熟咁處理龍蝦，非常輕鬆就將成條既龍蝦肉拆出黎，再將龍蝦肉切到方便入口既size，非常貼心。龍蝦肉味道鮮甜，肉質結實，爽口彈牙；如果點海膽汁食又有另一番風味，店員介紹海膽汁加咗龍蝦本身既膏，個人覺得海膽味道不算太重，但龍蝦膏既味道幾出，正啊！
除咗龍蝦，我最最最期待既就係熊本縣產既A5和王牛！我地嗌咗五成熟，不過師傅煎得略嫌過熟咗少少，但一啲都唔影響和牛既味道。首先食咗和牛既原味先，油香頗重，入口即溶，真係好好味，食完瞬間覺得好幸福！之後可以配wasabi一齊食，第一次嘗試咁既配搭，係出乎意外地好match，wasabi既唔會蓋過和牛既原味，仲可以中和到油膩感。亦可點岩鹽或連蒜片一齊食，但個人比較推薦就咁食原味，真係好正！伴碟既有大啡菇、白露荀同南瓜，味道一樣咁好，大啡茹充滿住牛油香仲非常juicy，白露荀非常爽脆，南瓜則香甜可口。
食完和牛，仲有和牛炒飯，其實我同朋友去到呢個位已經有啲飽，但因為真係炒得好好味，我同朋友最後都食到一粒不剩。雖然係落咗蛋漿既炒飯，但依然可以炒到粒粒分明，果然看似簡單既菜式其實都好考師傅既手勢！
食完炒飯仲未完，仲有清酒煮蜆。湯非常清甜，蜆又大隻又有鮮味，認真唔錯。
最後當然要依甜品作結，有三款甜品可選，我揀咗紅豆雪糕。紅豆雪糕非常重紅豆味，又不會太甜。由前菜到甜品全部都非常滿意，今餐真係食得非常滿足！
張貼
