肉肉強食 by 鋒膳 (已結業)

今日去咗長沙灣呢一間上樓嘅餐廳，餐廳主打係食鐵板餐，而且標榜絕對冇落鬆肉粉。之前去過一啲餐廳食牛扒食得出落咗鬆肉粉，啲肉冇晒味之餘，仲要完全冇晒口感，真係接受唔到。所以見到呢間餐廳主打唔落鬆肉粉去醃肉，真係好想試吓。鐵板牛柳鐵板做到5成熟效果，牛柳真係勁淋，但仍然有少少咬口，口感一流，同用鬆肉粉真係完全唔同，而食落個味道真係好味啲，可以保留到牛肉既味道之餘，亦都無鬆肉粉嗰陣酸味。鐵板羊架羊架有三件都幾抵食，而且羊味勁濃啊。跟餐仲有埋餐湯、餐包、餐飲同意粉，勁抵食。吉烈豬柳吉烈豬柳只需要$20就食到，而且質素勁高，十分有驚喜！豬柳係用左宮崎快樂豬，肉味甘香之餘，口感彈牙，必食推介啊。手打牛肉漢堡漢堡扒加上自家調味料、洋蔥同埋蛋，勁Juicy 。麵包用左洋蔥包，烤香之後非常鬆軟，仲帶有少少甜味。最尾仲有雪糕，仲要係杯裝，本地品牌雪糕，要買都十蚊杯。