殿 大喜屋

營業中

休息中

12月天氣開始凍，胃口大增，又係食放題既時候。殿大喜屋出名係質素保證，上網見有時段有85折，於是決定同舊同事豪嘆一次。呢度大部分都係卡位，私隱度高，大聲少少傾計講是非都吾驚(哈~講笑)。一入到黎，舊同事就衝出去拎野飲，仲幫我拎埋，竟然有少見既日本紙包野飲。我飲左兩包，有d似雜果賓治，幾清新。刺身種類應有盡有，特別欣賞拖羅、赤海蝦同松葉蟹腳，一來其他放題較少見，二來新鮮度十足，絕對係必叫之選。海膽手卷雖然要排隊拎，但勝在即場整作，保持左紫菜既爽脆度，海膽亦夠新鮮，一啲腥味都無。壽司種類繁多，炸物同其他熟食都保持水準，全部都熱辣辣，應該係有order先即整，賣相亦絕不馬虎。最後當然要食甜品，雪糕我食左哈根大師既芝士蛋糕、Mövenpick既瑞士朱古力、Milk top既海鹽同埋道地既綠茶，非常滿足。另外，舊同事讚北海道奶凍好滑好濃奶味。不過，我已爆quota，唯有下次再戰，哈。