華輝小食 (已搬遷) 新店位置

今日難得放假，同女朋友喺沙田 Shopping 完就特登去左大圍睇下有乜宵夜好食。大圍火車站出口直行就見到有一間小食店，夜麻麻門口重企左好多人，好似有金執咁。為食又八卦嘅我又點會執輸，梗係第一時間拉住個女朋友沖去睇下啦。見到個個人都攞住個牌等嘢食，我就知一定無死錯人一定有好嘢食，我就即刻行咗去睇下個餐牌，見到嗰度貼左好多手撕雞嘅相又見到人哋拎住一盒盒嘅手撕雞走，有得食又點會唔食嘅我又點會執輸，所以買左一盒返屋企慢慢嘆。手撕雞辣度都有好多款揀，而我自己就叫咗盒少辣加腸粉。手撕雞雞肉出奇地好滑，配上麻醬真係無得輸，而且份量不少都只係 $30。