亞當麵館 (已結業)

雖然油尖旺區有好多嘢食，但偶然都會想食返碗簡簡單單嘅車仔麵，小店位於尖沙嘴，可以按個人喜好揀選麵條、配料、小食、飲品，地方唔大但乾淨俐落，價錢親民化，經過可以試試👍🏻招牌車仔麵有成十款餸，白蘿蔔、豆卜、牛丸、豬大腸、咖喱魚蛋、蠔皇花菇、腩片、芋絲、雞中翼同豬皮，煮至入味，淋身，丸類爽口彈牙，油麵軟硬度適中，咖喱汁惹味可口，性價比高！另外要咗款自選車仔麵，芽菜份量好多，咖喱齋正常發揮，私心推介甜酸齋同京蔥羊肉餃，前者大塊，帶點煙煙韌韌嘅口感、後者餡料飽滿，咬落juicy，出面比較少見！蘿蔔牛腩飯好有驚喜，蘿蔔完全無渣而且好清甜，牛腩好腍，醬汁配粒粒白飯，唔覺唔覺就食哂、小食方面大大力推介呢度嘅金沙脆皮牛坑腩，外皮炸至金黃酥脆，鹹蛋黃味突出，牛坑腩同樣出色，一定會encore🐮