愛上米線 (波斯富街) (已結業)

銅鑼灣呢間米線，比起平日食開嘅米線有特式。Lunch時段全場爆滿店員非常有效率。「酸菜肥腸湯泡飯」加入酸菜嘅湯底好惹味，肥腸片片都夠肥美。泡飯用珍珠米，粒粒圓潤，飲哂成個湯底，因為餐廳使用海鹽，感覺更健康。「辣椒炒肉拌米線」拌米線好足料，將米線同配料搞拌更均勻。肉片炒到脆口，無油膩感，辣辣地好正，堂食仲可以任加米飯 / 米線，保證食到滿足「憑藤椒雞粒蔥油餅」辣辣地嘅雞粒放在蔥油餅上夾住食，味道同口感好夾。「話梅小蕃茄」小蕃茄酸酸甜甜，豐富水份．入口爆汁，啖啖話梅味。「麻辣豬耳朵」條狀嘅豬耳朵，加入麻辣同芝麻，辣得過癮。「雙檸梳打茶」梳打茶唔會太甜，加入鮮檸，冰凍透心涼「芒果乳酪梳打」每啖都啜到爆汁珠珠，口感好正，配芒果味好夾。