塚田農場 (已結業)

第二次嚟食，都係食日頭，但點解冇左我最想食嘅鰻魚炒飯嘅😭😭Lunch time 得set，朋友都推介拉麵，就試下啦。餐有沙律。我食柚子肉丸拉麵，湯好香好好飲！不過好似冇乜柚子味，連柚子肉都淨係得皮嘅苦味冇甜味⋯⋯比我之前食評另一間柚子拉麵淡。湯食食下會愈來愈咸，不過都係可接受範圍內。肉丸幾好味，食到肉嘅甜。朋友食雞腿拉麵，個湯好深色以為會好咸，但其實同我個碗差不多。另外小食的話，炸雞塊會好食過豬肉飯團。雞肉塊食落去唔算太油膩，飯團入面個飯冇味，不過外面的豬肉有燒汁，要平均分嚟一齊食先好味。杯茶都幾好飲，我壺幾特別。