影片
更多
2022-09-10
95 瀏覽
同朋友聚會，提起想食串燒，最後揀咗呢間餐廳。見Openrice有人話佢係九龍城最新人氣食店，都擔心會好多人，好難book，但係我哋喺平日夜晚嚟食飯，坐咗近3個鐘，只得3檯客，好清靜（不過音樂就比較大聲）。我哋2個人，點咗2個前菜（蟹膏豆腐同玉子燒）、軟殼蟹卷、野菜天婦羅仲有幾款串燒、小食。侍應問我哋係咪可以一次過上菜，我哋隨口答係，所以食物好快已經送上嚟。由於好多款食物都係趁熱食比較好，所以我建議大家可以試下同侍應溝通，分開上，咁會比較啱節奏。蟹膏豆腐好特別，豆腐入面的蟹膏味道非常濃，呢款係比較重口味的前菜，亦係䶢食，但真係好好味。燒玉子係䶢玉子，上面有片溶咗的芝士，都幾特別。如果本身喜歡凍玉子/甜玉子的話，咁呢款前菜就應該唔多啱口味。玉子因為有芝士鋪面，同埋size唔細，佢作為前菜，食完都幾「漏」。2個人食的話，份量太大，希望餐廳可以出個半份的版本，價錢平啲，人少少都可以淺嘗吖嘛~軟殼蟹卷造型突出，堆到成座小山咁，有4件。由於成檯都係食物，我哋係放咗一陣先食，但食的時候軟殼蟹都仲係好脆，但味道唔算特別，我覺得可再加多少少沙律醬。野菜天婦羅有南瓜、蕃薯、小青椒等，一碟有8件左右（冇數過
我哋2個人，點咗2個前菜（蟹膏豆腐同玉子燒）、軟殼蟹卷、野菜天婦羅仲有幾款串燒、小食。侍應問我哋係咪可以一次過上菜，我哋隨口答係，所以食物好快已經送上嚟。由於好多款食物都係趁熱食比較好，所以我建議大家可以試下同侍應溝通，分開上，咁會比較啱節奏。
蟹膏豆腐好特別，豆腐入面的蟹膏味道非常濃，呢款係比較重口味的前菜，亦係䶢食，但真係好好味。燒玉子係䶢玉子，上面有片溶咗的芝士，都幾特別。如果本身喜歡凍玉子/甜玉子的話，咁呢款前菜就應該唔多啱口味。玉子因為有芝士鋪面，同埋size唔細，佢作為前菜，食完都幾「漏」。2個人食的話，份量太大，希望餐廳可以出個半份的版本，價錢平啲，人少少都可以淺嘗吖嘛~
軟殼蟹卷造型突出，堆到成座小山咁，有4件。由於成檯都係食物，我哋係放咗一陣先食，但食的時候軟殼蟹都仲係好脆，但味道唔算特別，我覺得可再加多少少沙律醬。
野菜天婦羅有南瓜、蕃薯、小青椒等，一碟有8件左右（冇數過，但幾大碟），以天婦羅嚟講，價錢唔費，而味道方面，不過不失。脆漿唔算好薄好脆，亦未做到不油不膩，但反之亦唔會炸到好硬。
串燒有燒蕃薯、翠玉瓜同牛舌。我覺得蕃薯同翠玉瓜都幾好食。燒蕃薯有6小粒，甜度極高，開頭食第1粒覺得好甜糯，不過連續食到最後2粒，就開始感覺太甜膩，大家可先食1-2粒，留番啲最後做甜品。翠玉瓜燒完都仲係好多汁，感覺好新鮮。牛舌因為係朋友點，我就冇食到。
小食係芝士年糕。食的時候，年糕微暖，芝士有少少流心，只食一件的話，既可滿足口腹之慾，又唔會太heavy。
以日式晚餐嚟講，呢度的消費算實惠（可能因為我哋點素菜為主，亦冇點飲品），份量亦大。2個人食完曬啲嘢，已經勁飽，好滿足。今次平日嚟食，人客唔多，靜靜哋，都幾享受。我覺得呢度的侍應好nice。。。嗯，點講呢？呢個係個人感覺，佢哋係會想同客人溝通，而且當我哋需要加茶之類，佢哋反應亦係好快。我覺得佢哋好親切，服務好好，又唔會好刻意，令人感覺舒服。有機會我會再幫襯架呢間餐廳！
張貼
