靚靚原名叫做不一樣的車仔麵，聽落主打車仔麵，落單紙長過A4。後尾發現小食同樣出色!
由於要留肚吃晚餐，故今次決定全單點，重點試真佢d小食! 原來小食仲有另一本menu，認真樣樣都想試!
煎墨魚餅認真要試! 先講半客有八件，足夠二人份量。墨魚膠打得爽口彈牙，食得出有粒粒墨魚，馬蹄，蘿蔔等雜菜，提升爽口度! 煎得香口又不油膩，配埋甜甜地的醬汁，無得彈!
無敵的九轉大腸，據聞九轉大腸是先煮令大腸入味，再炸及加入多款調味料及茄子粒一同炒香，直至色澤透亮，達至肥而不膩的效果。最後撒上芫茜末，故味道帶有甜、酸、苦、辣、鹹等達至多個不同層次的口感! 
串燒墨丸炸至金黃，賣相吸引。點埋沙嗲醬，可說是惹味至極! 咁好食, $15/3粒有點到喉唔到肺呢! 
大腸，又係大腸! 全因想盡興! 這個炸大腸同出面炸到橙色漲卜卜的大不同! 這個大腸外脆,裡面鬆軟, 入口即溶, 最重要係食完沒丁點油益味, 味道比九轉大腸淡, 但較脆口乾身! 係另一必食之選!
凍腐竹洋薏米豆漿清涼解喝，吃完煎炸野順便清清熱，飲完透心涼, 好舒服!
