飲茶 (已結業)

難得約左大學莊聚, 人多又想坐得舒服可以傾下計, 最後個女莊員搵左LI 間特式飲茶店。入到去, 環境好靚好新淨, 好多外國遊客係度食野。位亦夠闊, 我地8個人坐一張長檯都唔覺逼。送上既玄米茶冇咩特別。我地一共叫左兩個4人餐, 最受歡迎既緊係出名既睇住流奶。LI 隻可愛既奶黃飽一上, 個個就爭住幫佢開窿><, 等佢一路流住奶黃一路幫佢影相, 呃LIKE一流=)除左LI 個招牌菜, 其他點心亦都好有心思, 好似鴿呑鳳梨就好多女仔話好得意, 咬落有淡淡既鳳梨味, 唔會太甜。仲有個皮旦豆腐, 麻醬配滑豆腐簡直係絕配, 又香又滑。 但當然唔係樣樣都甘好味啦, 好似個炸雲吞就雖然炸得夠脆夠香，但D餡唔夠多，咬落去好似食緊皮甘。仲有個三杯醉雞, 雖然雞肉好嫰滑, 但酒味同咸味唔夠。想食D蒜泥釣下味, 點知中伏, 辣到跳起。總括來說，D點心係有俾心機整既。特別係有女仔同行一定影得好開心。但價錢有少少貴, 每人都要250左右, 如果唔係對可愛點心鬼別有興趣既, 其實會有更好既選擇。