La Rosabelle Bar & Grill (MONTEREY Place)

營業中

休息中

今日我嚟到位於將軍澳嘅西餐廳La Rosabelle Bar & Grill食飯，我留意到呢間西餐廳其實喺香港都有幾間分店，餐廳嘅裝修非常之靚，走嘅風格都係以古典風格為主，四周圍掛上鏡子同燈具。特級煙肉芝士牛肉漢堡漢堡包入口鬆軟，上菜嘅時候又唔會覺得成個包太過濕淋淋，牛肉嘅厚度亦都夠晒厚，入口充滿肉汁，肉味香濃。烤法國春雞配薯仔及雜菜燒春雞嘅外皮香脆，肉質柔軟，調味又調得啱啱好，入口非常惹味。雲呢拿雪糕窩夫窩夫入口有好香濃嘅牛油香味，加上窩夫夠香脆，連埋雪糕一冷一熱一齊食，非常好味。整體來講，我覺得呢間餐廳嘅食物質素唔錯，食物款式夠晒多，加上價錢亦都唔係太貴。