花月宮 (已結業)

今日去左間新開既邊爐店，裝修好靚好乾淨。首先叫左個特色四格鍋，有蕃茄海鮮湯，原來入面仲好多料，有蜆，有大蝦，有墨魚等等。仲有花雕醉雞鍋，有好多雞件，仲有花膠好大塊，好岩女仔食! 養顏! 之後都有麻辣鍋，入面有豆卜同豬紅，辣味好夠，岩曬食辣既朋友。最後呢個都係我最鐘意既黑松露野菌鍋! 超重黑松露味而且好特別! 薄切牛舌心好好食，見到話淥15秒就夠，好爽口。M9和牛牛丸 (黑松露味)，都係第一次食有黑松露味既牛丸，好正! 叫左個3色滑。係有 蝦， 墨魚滑呢D，原來份量都幾多。自家脆炸響鈴好脆，好新鮮。另外呢到既staff都好有禮貌，又會主動加湯收碟，食得好開心!