一汁一菜 (朗豪坊) (已結業)

日本輕食餐廳😋裝修以木系做主打，感覺舒服乾淨。法式龍蝦湯龍蝦湯整得好香，入面真係有龍蝦仔肉，湯比較結身，好飲。面頭有啲忌廉裝飾。北海道産甜粟雞肉豆乳濃湯粟米濃湯入口甜☺️入面仲有西蘭花、粟米粒同埋雞肉，湯都算好大碗，性價比幾高。濃香牛肉野菌咖喱飯🍛本來以為餐廳主打輕食，飯會好細份。但係呢個咖喱牛肉飯份量好多，咖喱汁味道香濃，好多件牛肉😋蕃茄菠菜芝士雞肉卷嫩滑雞肉包住菠菜芝士，酸酸甜甜幾開胃，入面粒芝士都好香☺️賣相整得幾靚。配上淡口的番茄醬，感覺清新。油揚豆腐黑豚薑汁燒油揚豆腐索曬啲汁，薑汁燒醬汁味道甜甜地，配上菠菜絲、蘿蔔絲、腐皮，配料豐富啱曬撈飯😋🍚