Chilli Lime (形點 I)

營業中

休息中

朋友黎左元朗，一齊搵個地方食下野，揀左Yoho Mall的Chilli Lime，新開張都未黎試過。店內裝修幾靚喎，燈光柔和，坐在沙發位好濶落，枱上仲有酒精揉手液。點左份牛油果米紙卷，賣相幾好睇。呢款係素食黎，米紙裏包著青瓜，紅蘿蔔，生菜，仲有大大片牛油果，入口非常清爽，作為開胃菜很適合。又點左份燒牛肉沙律，用上靚牛扒呢。牛味好濃好甘香，超好味。下面的沙律有粟米，芹菜，生洋蔥，九層塔等，好多香口菜，醬汁酸酸辣辣好惹味。最後仲有菠蘿海鮮炒飯，上枱時好香啊～個菠蘿燒過迫晒啲香味出黎，炒飯入面有超多菠蘿粒同提子乾，入口仲有濃濃嘅椰香添，甜甜地好好味。食物好味，環境濶落，係約朋友傾偈的好地方呢。