鼎記 (已結業)

行過旺角見肚仔餓了，轉角遇到間裝修得幾靚既港式茶餐廳，於是就拉左朋友入去食晚餐。餐牌種類都幾豐富，最後決定叫二人套餐精選，唔洗點左諗右諗，發現原來都幾有特色。菠蘿船香蕉咕嚕肉，用生果伴碟既咕嚕肉，咕嚕肉唔會得啲骨，起碼有大啖啖肉咬到，配埋士多啤梨同菠蘿好fresh。豆豉鯪魚魔鬼椒炒蜆，平時豉椒炒蜆就見得多，用豆豉鯪魚炒又真係第一次食，口感又出奇地夾，好夠味道，但又唔會太咸。然後再叫多隻乳鴿，皮脆肉滑，肉質唔會烤到太乾爭爭。