ROYAL INN

去到餐廳門口，覺得裝修好有特色，以宮廷風格為主題，仲有凱旋門，真係幾華麗。餐廳入面都好靚，環境同座位都好舒服，好岩同閨蜜打卡傾偈。我哋叫咗個火焰牛扒二人餐。凱撒沙律沙律菜好新鮮好爽脆，加埋沙律醬，好清新。是日餐湯是日餐湯係蕃茄濃湯，好濃郁好綿嘅蕃茄濃湯，好飲。意大利煙豬面頰肉卡邦尼意粉呢碟意粉擺盤精緻，佢嘅煙豬面頰肉薄薄哋，硬硬哋，食落去好重煙肉味。佢嘅卡邦尼醬汁都好濃郁綿滑，撈埋啲意粉食，好好味，完全唔漏。火焰肉眼牛扒嘩！呢個火焰肉眼牛扒不得了，侍應問我準備好電話未，原來有野睇，佢會淋啲酒落去，就變成火焰牛扒，好有驚喜，打卡一流。件牛扒唔只睇得，仲好好食。佢既肉眼扒好靚，肉質鮮嫩軟熟，而且好有酒香味，真係正！凍檸茶凍檸茶既杯都好靚好有質感。間餐廳服務好好，店員都好有禮貌。