影片
更多
2019-10-29
35 瀏覽
呢間咁可愛既餐廳一早就比佢既裝修吸引好想黎，但其實都好有內涵，今日一於黎試下啦～環境都係粉粉紅紅有好多可愛既動物圖案～我好鐘意食餃子，所以先叫左一款餃子黎食～白菜馬蹄豚肉餃$58/6隻 $68/8隻餃子另跟一碗湯，有d蟲草花，幾清甜好飲！餃子皮薄但料好多，豬肉同菜既比例岩岩好，仲要有馬蹄既清甜味，好好食！呢個日和點心拼盤$58/5件 ，當然係為左可愛而叫啦！首先有熊貓包係奶黃，豬包係叉燒，金魚係蝦餃，仲有一粒豬肉燒賣，唔好以為佢剩係得個可愛，都好好食架，包既質地本身好食啦，內料都好食！酒醉雞翼$58/4隻 我同朋友都鐘意食醉雞，見到有緊係即刻叫啦，冰凍既雞翼有清香酒味，好正架，肉又爽脆脆脆蝦春卷$48/3件 呢個偏油，但係內料多蝦，又脆皮 都ok~野生牛肝菌雞肉餃$68/6隻 $88/8隻朋友想試多款餃子就叫埋呢個雞肉餃，偏少見用雞肉做餃，所以試下！牛肝菌味都好香，雞肉做既內料偏軟，無豬肉咁實，但都好唔錯！女王黑毛豚叉燒$128 終於到呢到既主打 叉燒啦！每一塊都好厚切，我地選擇左呢款女王叉燒係用梅頭部分，肉質細膩，肉味香又富彈性，口感香鬆化！呢個介紹一d都無誇大，真係好正！配埋餐廳既
呢間咁可愛既餐廳一早就比佢既裝修吸引好想黎，但其實都好有內涵，今日一於黎試下啦～環境都係粉粉紅紅有好多可愛既動物圖案～
我好鐘意食餃子，所以先叫左一款餃子黎食～
白菜馬蹄豚肉餃$58/6隻 $68/8隻
餃子另跟一碗湯，有d蟲草花，幾清甜好飲！餃子皮薄但料好多，豬肉同菜既比例岩岩好，仲要有馬蹄既清甜味，好好食！
呢個日和點心拼盤$58/5件 ，當然係為左可愛而叫啦！首先有熊貓包係奶黃，豬包係叉燒，金魚係蝦餃，仲有一粒豬肉燒賣，唔好以為佢剩係得個可愛，都好好食架，包既質地本身好食啦，內料都好食！
酒醉雞翼$58/4隻 我同朋友都鐘意食醉雞，見到有緊係即刻叫啦，冰凍既雞翼有清香酒味，好正架，肉又爽脆
脆脆蝦春卷$48/3件 呢個偏油，但係內料多蝦，又脆皮 都ok~
野生牛肝菌雞肉餃$68/6隻 $88/8隻
朋友想試多款餃子就叫埋呢個雞肉餃，偏少見用雞肉做餃，所以試下！牛肝菌味都好香，雞肉做既內料偏軟，無豬肉咁實，但都好唔錯！
女王黑毛豚叉燒$128 終於到呢到既主打 叉燒啦！每一塊都好厚切，我地選擇左呢款女王叉燒係用梅頭部分，肉質細膩，肉味香又富彈性，口感香鬆化！呢個介紹一d都無誇大，真係好正！配埋餐廳既醬汁，真係食唔停啊！
香橙熱情果茉莉花茶$48 食到咁飽，我就叫左杯酸酸甜甜既飲品，好飲！
波子汽水$28 朋友見到波子汽水就話一定要叫🤣
呢間餐廳岩曬一班女仔黎傾計食野，見其他食客仲有打邊爐tim,下次一於叫多d朋友再試下先得！
張貼
