花月宮 (已結業)

成日聽Friend推介呢間野，今次終於黎到尖東朝聖，成間餐廳既裝修豪華有格調，比人一種優雅既感覺。特色沙嗲湯鍋打邊爐最緊要就係湯底，呢個沙嗲湯十分濃郁。食物好夠味，唔洗再點醬料都得，入面仲有細細既花生粒好有咬口，令湯底昇華。美國頂級手切封門柳份量多，足夠兩至三個人食用。牛既色澤鮮艷同雪花油脂平均，只需要碌20秒就可以食用，入口順滑，唔會覺得韌，牛肉味都幾足夠。日本北海道花豚豬卷豚肉厚薄平均，落到湯好快就熟肉質好淋好易咬，唔係鞋恰恰嗰種豬肉，啱晒啲唔鍾意咬嘢食咬好耐嘅我～ 自家製脆炸響鈴響鈴上台時仲係熱辣辣，可以就咁點醬即食十分香口。將所周知響鈴都係經過油炸，但呢間嘅響鈴唔算太油膩。浸過湯之後亦都會吸曬沙嗲嘅香濃味，令人想一食再食。稻庭烏冬鍾意食烏冬既我當然唔會錯過沙嗲湯烏冬啦，果然冇令我失望。建議所有烏冬愛好者都一定要食。店舖會將烏冬解凍後先上枱，可以減少煮既時間，好細心。