星滙演 (裝修中)

喺openrice見到有人推介呢間餐廳，有事要出尖東一趟，順便約朋友午餐一聚。記得用openrice訂枱，午市套餐會有八折優惠👍🏻大約一點鐘左右到達，一出𨋢口已經見到好靚嘅藍天白雲同海景，餐檯之間距離非常足夠，客人又唔多，非常適合傾偈。職員都非常熱情，招呼服務好。餐點方面，揀左是日精選餐湯，當日係蕃茄湯🥣，🍅味好足，再配上一個小小的燕麥餐包，作為頭盤非常唔錯。主菜方面，加左錢要左美國頂級西冷🥩配川式雜菜同龍蝦🦞蟹肉燴飯，兩個主菜都非常出色，熱辣辣上檯，除咗味覺享受之外，連視覺都照顧埋，擺盤都好靚🤩甜品當日可以揀朱古力🍫蛋糕或者蘋果🍎肉桂卷蛋，同朋友各自嗌左一款，個蘋果卷蛋比朱古力蛋糕較有特色。最後仲有一杯餐飲，杯熱咖啡都唔錯。