Lockeroom Dining (譽發廣場) (已結業)

趁個朋友臨飛前，突登帶咗佢來呢間西餐廳🥺同佢食返啲好味嘢～～中午去到都無咩人，地方算係闊落乾淨，而且樓層高，望出去除咗樓景仲有天空景～餐湯係南瓜湯，南瓜味唔算太濃，但勝在有絲絲南瓜絲～食落口會多啲口感！蒜蓉包好多蒜蓉醬，而且包身烘得脆身，咬落香口！係炸雜菇啊🙈🙈炸得香口，炸糠唔算厚，薄薄一浸但夠曬口感，菇厚身多汁，配埋沙律醬加千島醬～惹味！松露溫泉蛋意大利飯～松露味濃而且嗰粒溫泉蛋煮得剛剛好，一篤爆佢然後撈埋成啲飯嚟食，簡直係邪惡之選～飯粒唔會過硬，粒粒都比醬汁包住！肉眼扒三成熟厚身而且啖啖肉～三成熟令口感仲喺度唔會過韌！旁邊嘅配菜都有花功夫，燒得焦香，薯蓉好食